Gorka Hermosa soinu-jotzailea eta Garikoitz Mendizabal txistularia aspaldi egosten hasi ziren proiektuak argia ikusi du. Hermosak konposatutako 11 abestirekin ondu dute Sustraien Matxinada izeneko diskoa.
Nazioarteko hainbat sari jasotakoa da Hermosa, eta haren konposizioak munduko hamaika bazterretako orkestrek jotzen dituzte. Mendizabalek, bestalde, urteak daramatza txistuaren soinuekin bide abangoardistak urratzen. Bi egileen gogo bizia zen elkarrekin zerbait egitea, baina agenda kontuak tarteko atzeratu omen da orain arte.
Garikotz Mendizabal: Txistu, tanboril
Gorka Hermosa: Akordeoia
Juan Luis Castaño: Bateria
Javier Mayor: Kontrabazua
